MCPCR para Media ke Child’s Identity mana korishe

June 3, 2021. Manipur Commission for Protection of Child Rights (MCPCR) para notification te janaishe ke, media outlets logot Kangujam Kanarjit’s laga chokri case te posts/news stories/social media posts neshina te directly nahoile indirectly nam loikena thaka kgobor toh hataboli janaishe. Etu notification te Manipur Commission for Protection of Child Rights (MCPCR) para media outlets khan logot khobor loikena thaka toh joldi te hataboli junaishe. “legal case neshina nahoile incidents te bacha manuh ekta laga details khobor janai deya toh hataboli lage, keli koile manuh ekta laga detail khobor para jamila nahoboli nemite ase,” koikena Manipur Commission for Protection of Child Rights (MCPCR) para notification te koishe. MCPCR logot khobor powa hesab te alag-alag print aro electronic media outlets aro social media te Kangujam Kanarjit laga chokri ke Delhi aro Manipur Police para melaikena thura detail khobor janai thishe, koikena Manipur Commission for Protection of Child Rights (MCPCR) para koishe. “bacha ekta laga identity janai deya toh bacha laga rights te nai aro general principles neshina Section 3 (xi) – Principle of Right to Privacy & Confidentiality under Juvenile Justice (Care and Protection of Children) Act, 2015 te bacha laga right toh kelaaf kori ase. Aro etu oper te bacha laga identity janai deya toh Juvenile Justice (Care and Protection of Children) Act, 2015, pithor Section 74 te sajai junaikena ase,” koishe. Khobor hesab te Delhi aro Manipur police para melaikena Kanarjit Kangujam ke May 30 darik te “forgery & cheating” nemite thurishe koishe. Kanarjit Kangujam logot KK Singh nam para be jani ase, tai ke Nepal te student ek jun laga complaint hesab te Singh para tai laga organisation, International Youth Committee logot poisa nemite thokaishe koishe.