Dimapur • Headlines • Nagaland

Medziphema, Dimapur te Badminton Indoor Stadium inaugurate korise

November 12, 2021
85 Views

Dimapur, 11 November: Advisor Sericulture, Excise and Minority Affairs, Zhaleo Rio para Medziphema te notun bona Badmintor Indoor Stadium inaugurate korise aro Medziphema Town te 1st Medziphema Town winter tournament 2021 toh 11th November 2021 te khula janaishe.

Special Guest, Zhaleo Rio para notun bona indoor badmintor stadium toh LADP fund 2019-2021 pithor te bonaishe koise aro sob ke facility te phal care lobole koise. Etu toh Medziphema laga sporting community nemtie besi laub/benefit ase koise. Tai para jama howa khan ke dukh kaam koribole aro infrastructure facilities phal para jolabole koise aro etu toh sob nemite ase koise.

Medziphema Constituency laga ekta representative hisab te, Advisor para Sub-division laga development te local manu khan laga support lakiya opor te koise. Tai para manu khan ke Government mathi kaubja nakoribole koise aro mathi te bachabole koise, sub-division te ne nahoi kena state te development anibole nemite government te support koribole koise.

Zhaleo Rio para horu demakh para manu opor te kotha kori, dangor demakh para idea opor te kotha kori koise. Etu para Medziphema laga manu khan dangor demakh thakibole aro development aro Naga unity opor te aro ekta ekta logote melikena shanti phal para kenaka thakibo etu khan opor te ideas share koribole koise. Rio para project toh ekta kamiyab howa nemite sob officials aro manu khan ke kushi aro thanked janaishe.

Dr. Er. Vekho Swuro para Zhaleo Rio ke badminton stadium bonabole laga concept nemite thank korise aro technical explanation deshe.

Programme te ADC Medziphema, Imsongmeren para chaired thakise aro tai para be chief guest ke thank korise kelay koile Badminton Tournament nemite trophies sponsor kora para. Short speeches toh President NDPP 5th Ghaspani II AC, Dosau Kuotsu aro President MTYO, Kepe Nakhro para deya thakise aro Akhriezo Solo para ekta special number present kora thakise.

Winter indoor badminton tournament toh November 11th to 12th November te lobole ase aro alak alak departments, wards, villages para 17 teams hisha lowa thakibo.