June 25, 2021. Thursday din Navy aro National Disaster Response Force (NDRF) laga divers khan para Meghalayas East Jaintia Hills te miner laga 2nd body toh paishe koishe. 26 din wala hoishe ke 5 jun miners khan coal pit te pasikena ase. State Disaster Management Authority Executive Director Ibashisha Mawlong para janaishe ke, 2nd body toh 152-feet deep pithor jaikena Navy aro National Disaster Response Force (NDRF) para paishe. June 16 darik din te 1st body toh paishe. “rescuers khan eman beya weather, low visibility aro dosura duhk paikena 5 jun coal mine laga body toh pesari ase,” koikena Mawlong para koishe. Tai para aro koishe ke, coal mine te paani laga level besi thaka nemite rescue operations koriboli duhk ase. Mawlong para koishe, etu rescue operations te NDRF khan para 5 jun kam kora manuh coal mine pithor te pasikena thaka nemite May 30 darik para kam kori ase. 13-member Indian Navy team khan para be rescue operation samai June 12 te samil korikena remotely operated vehicles (ROV), Diver Hand Held Navigation System (DHNS) aro dosura saman para motob thikena pesarishe koishe. Etu kam kora samai 1 jun Navy driver besi beya para jokom paishe.
Meghalaya coal pit te pasikena thaka 2 jun wala ke olaishe
