SHILLONG: Border Security Force (BSF) Meghalaya te koikena janaishe cattle smuggling laga study te dikhaishe etu toh state laga drug smuggling te link thaka dikhaishe.
Etu poisa kaamaa toh smuggling para insurgent groups state te active thaka khan nimete fund nimete ase.
BSF, Meghalaya Frontier para official statement te koikena janaishe “Cattle smuggling state te olaishe aro East Khasi Hills, West Jaintia Hills and East Jaintia Hills districts kuntu toh Bangladesh border logote share kura toh uthi ase.”
BSF khan para special teams khan olaishe etu intelligence base operations kuribole nimete areas khan te enika illegal activity nakuribole nimete.”
Alag alag operations kura te BSF troops khan para choijun thurishe cattle smuggling te thaka toh Dawki West Jaintia Hills osorte.
Tai khan laga haath para 53 cattle khan ke thurishe.etu drive te ekta truck gaari bi thurishe etu te cattle khan toh luijai thakishe Prevention of Cruelty to Animal Act laga violation te.
etu thura manu khan koi kena janaishe ki etu cattle khan toh Khanapara Guwahati para anishe. Alag alag kisim cattle khan northeast te eman napai aro etu toh border te smuggle kureh.
BSF para koikena janaishe”etu accused para koikena janaishe ekta nutun modus operandi police personnel khan dhokai dibole nimete alag alag enty points te etu te inter state boundary national highway te olaishe.”
BSF para state authorities khan ke joint operations lobole janaishe etu areas te aro locations khan te checkpoints bonabole nimete janaishe etu chamela toh rukhabole nimete.
