Shillong, March 28 : Meghalaya laga East Khasi Hills district laga Ichamati osor te Wednesday shaam te kunba chehra nachina hamlavar khan para duijun manu ke marikina moraidisey.
Reports hisap te, murija duijun manu laga naam tu L Esang Sing aro L Sujit Dutta thakisey.
Taikhan ke ekta anti-Citizenship Amendment Act (CAA) rally huwa picheyte kunba hamlavar khan para marikina moraidisey.
Police para koisey ki taikhan para suspect kuri asey ki mujrim khan para etu duijun non-indigenous(dusra jaga laga) murija manu ke target kurikina etu situation laga faida uthabole kosis kurisey.
Senior official khan para etu duijun mora laga khobor ke confirm kurikina koisey ki taikhan laga deadbody tu alag alag jaga (Ichamati aro Dalda) te paisey.
Police khan para etya etu ghotna te investigation kuri asey.
Police khan para etu janibole kosis kuri asey judi etu ghotna tu CAA protest logotey jurikina asey na nai.
Jhamila ke baribole para rokhabole nimitey, East Khasi Hills district te Superintendents of Police ke patrolling kora tu baraidibole aro peace meeting rakhibole instruction disey.
Add Comment