Shillong, February 14 : Meghalaya laga sarkar para central government ke Meghalaya te thaka India-Bangladesh border te fencing dhalibole request kurisey.
Etu ekla nohoikina, Meghalaya sarkar para ministry of home affairs (MHA) ke leter likhikina rajya te joldi India-Bangladesh border te fencing dhalibole request kurisey.
Etu khobor tu Meghalaya deputy chief minister Prestone Tynsong para Shillong te media ke kotha kora homoitey janaisiley.
Prestone Tynsong para enaka bi koisey ki etu fencing tu India aro Bangladesh majotey zero point osor te hobo lagey.
Northeast rajya Meghalaya tu Bangladesh logotey 443-km-lamba international border share korey.
Dangor kotha tu etu asey ki Meghalaya sarkar laga etu demand tu enaka homoitey ahisey jitya Centre para Northeast fale thaka India-Myanmar border te pura puri fencing dhalibole laga faisla announce kurisey.
India tu Myanmar logotey 1643-km-lamba international border share korey kuntu tu 4ta Northeast rajya fale asey.
Add Comment