Guwahati, February 14 : Union Minister of Road Transport & Highways, Nitin Gadkari para Mizoram laga Aizawl aro Kolasib district laga Silchar-Valrengte-Sairang road fale NH-6 te 4-lane N. Kawnpui (N. Mualvum) banabole nimitey Rs 1,742.11 crore poisa sanction kurisey.
Ekta social media post te, Gadkari para koisey ki etu 24.41 km laga project tu National Highway (Original)- North East (NH(O)-NE) laga his ate Engineering, Procurement aro Construction (EPC) mode laga under te execute kuribole asey.
Gadkari para koisey ki etu rasta construction kora laga maksat tu develop hoikina thaka area khan te traffic jam nohoikina gari khan ke free para aha juwa kuribole dibole laga asey.
Etu kurikina seher area te jam huwa tu komabole bisari asey. Aro enaka kurikina etu area khan te rasta laga safety barabole asey.
Union Minister Nitin Gadkari para koisey ki etu dangor project para bisi manu khan thaka area ke sidestep kuribole, jaga tight hoija tu hatabole aro Aizawl seher laga bhitor te rasta laga suraksa ke barabole aim kuri asey. Etu opor te, etu project para Mizoram laga National Highway laga lambayi ke 25 kilometre para katibole aim kuri asey . Etu tu Vairengte para Sairang jaga tak hobole asey.
Add Comment