Gangtok, February 14 : Sikkim laga Chief Minister Prem Singh Tamang para February 14 te Regularisation Policy 2024 announce kurisey kuntu laga maksat tu Sikkim tea lag alag category laga worker khan laga naukri ke regular banaidibole laga asey.
Etu logotey, Sikkim government para etya February 25,2024 tak 20,000 job vacancy regularize kuribole plan kuri asey.
State Level Sonam Lochhar tyohar laga homoitey jama huwa manu khan ke bhasan dithaka homoitey, CM Tamang para etu policy declare kurisey kuntu para rajya laga alag alag workers jaiseki MR, Ad Hoc, one family one job, contractual, ICDS, ASHA workers aro centre para sponsor kora scheme laga under te kaam kora manu khan ke faida pungchabo.
February 9, 2024 te, Rangpo te announcement kora tea lag alag sector te kaam kora manu khan ke job security dibole nimitey sarkar laga commitment janaisiley. CM Tamang para jor dikina koisey ki Regularisation Policy 2024 tu khali ekta announcement hey nohoikina ekta kanoon asey. Aro etu ke implement kora laga deadline tu December 31, 2024 rakhisey. Kun manu khan para etu tarik tak taikhan laga service complete kurisey taikhan tu nutun policy laga under te regularization nimitey eligible asey.
Bhasan diya homoitey, CM Tamang para etu policy ke lagu kuribole ageyte lamba consultation aro meeting khan kora tu janiasey. Aro etu dikhaisey ki etu tu rajya laga kaam kora manu khan laga chinta ke dur kuribole laga ekta kosis asey. Etu policy para poila laga 8 saal kaam kuribole lagiya laga requirement para etya 4 saal laga requirement te bodli kuridisey. Aro enaka kurikina jarurat bodli hoithaka te sarkar laga jawab tu dikhaisey.
Add Comment