September 12,2020: Meghalaya health department para comorbidities patients laga statistics mangishe etu para lagi thaka precautions khan lobole paribole nimete etu para COVID-19 infections khan nalagibole nimete.
State t e achanak para mortality uthishe covid-19 para aro etu te bishibak manu mura toh comorbidities aro bura manu khan thakishe.
Friday din te char jun manu COVID-19 para mura laga khobor paishe etu para state laga mura manu laga numbers toh 24 te uthise.
Director of Health Services (MI), Dr Aman War para Friday te khobor dishe ki ekta survey toh chuli ase out patients khan comorbidities thaka khan bisaribole nimete.
Tai koishe hospital khan private aro government aro health clinics khan statistics khan thakibole pareh patients khan laga comorbidities thaka logote.
Dr war koishe “etu toh important ase data thakibole nimete kile koile toh patients khan COVID-19 thaka kun khan logote comorbidities nishena etu te hypertensionj nohoile dibaities thaka aro dusra chronic beemar thakishe bishi olabole nishena ase.”
Etu beemar toh community te phelibo koikena DHS koishe”” community spread etia thaka samay te ami khan symptomatic and comorbidities logote mon dibole lageh kile koile toh tai khan etu beemar pabole nimete suspect ase.”
DHs para aro bi sob patients comorbidities thaka khan ke elach nimete narukhibole koishe last moment te aro tai khan preacautions khan lobole janaishe etu beemar nalagibole nimete.
COVID-19 cases logote common symptoms khan ase etu etu bukhar khasi etu te critical cases khan saas lobole dikdaar gola biya thaka smell harijaa aro matha bikha khan ase.
Etu charta Friday din te COVID-19 mura manu khan te 21-year-old male West Jaiñtia Hills district aro 46-year-old male Happy Valley kun khan North Eastern Indira Gandhi Regional Institute of Health and Medical Sciences (NEIGRIHMS) te admit kurikena thaka aro 45-year-old male Andhra Pradesh Shillong Civil Hospital aro 45-year-old woman Barapathar Nazareth Hospital te admit kurikena thaka khan ase.
Dr War para aro bi khobor dishe ki state te 151 COVID-19 positive cases olaishe etu para state laga total tally toh 1,534 ase.
Meghalaya te etia tak 3,447 COVID 19 cases olaishe etu te 1534 active cases, 24 deaths aro 1,889 manu khan bhal hoikena ase.
Medical official koishe”etu 151 nutun cases te 98 East Khasi Hills district, 27 East Jaintia Hills district, 17 from West Garo Hills, three each from North Garo Hills district and South WestGaro Hills district one West Jaintia Hills aro two West Khasi Hills districts para ase.”
War khobor dishe ki “47 persons bhal huwa te , seven West Garo Hills district, six East Garo Hills district, three Ri-Bhoi district, one South West Garo Hills district aro 30 East Khasi Hills district para ase etu bi revcoveries laga number toh 1,889 hoishe .”
Tai koishe etia tak Meghala te 1,09,518 samples test kurishe etu te 1,04,937 negative thakishe aro bachikena thaka 1134 manu khan laga samples toh rukhi ase.”
Add Comment