Meghalaya: NPP aro GHDC para notun EC bonabo

SHILLONG: Meghalaya Chief Minister aro NPP president Conrad K Sangma aro Garo Hills Autonomous District Council (GHADC) te 15 MDCs elected kora manuh khan para Saturday din te Governor Satyapal Malik ke Raj Bhavan te notun Executive Committee (EC) bonabo nemite matishe koishe. Etu notun 15 MDCs members pithor te 11 jun toh NPP party para ase aro tin(3) jun independents aro 1 jun toh Garo National Council (GNC) para ase koishe. Notun coalition party laga nam toh Garo Hills Democratic Coalition (GHDC) ase koishe. “ami khan 15 MDCs para governor logot lok korishe aro tai ke notun coalation party bonabo nemite details kotha koishe,” koikena NPP chief para janaishe. Sangma para koishe ke, NPP MDC,  Raksamgre Benedict R Marak logot notun Chief Executive Member (CEM) hoboli toh coalition khan para fesla loishe. “Rakesh A Sangma (NPP MDC toh Babelapara) para ase aro tai toh GHADC laga chairperson thakibo, ami khan para aro Nikman Ch Marak (GNC MDC Rongrikkimgre) para tai toh Deputy CEM hoboli fesla korishe,” Sangma para aro janaishe. Chief minister para koishe ke, coalition khan para common minimum programme te jaboli fesla loishe, etu kam nemite soruh koriboli hoishe aro besi thiri nakorina details toh janai thibo”, koikena Sangma para aro koishe.