Meghalaya te Pressure groups para ILP mankishe

NONGPOH: Meghalaya te 4 pressure groups- Khasi Students’ Union (KSU), Ri-Bhoi Youth Front (RBYF), Federation of Khasi-Jaintia and Garo People (FKJGP) aro Hynniewtrep National Youth Front (HNYF) para Wednesday din State te aro ek paar Inner Line Permit (ILP) toh bonaboli demand korishe aro Meghalaya Residents’ Safety & Security Act (MRSSA) toh kara koriboli janaishe. ILP toh aro saikena bonaboli nemite 4 NGOs para Byrnihat te general meeting thakishe, etu samai alag-alag bosti aro Dorbar Raid aro Meghalaya aro Assam border te thaka manuh samil korishe. Etu meeting te KSU president Lambokstar Marngar, RBYF president Bipul Thangkhiew, FKJGP president Wilbirth Rani, HNYF president Sadon Blah aro dosura leaders khan be thakishe. Meeting te kotha kora samai, leaders khan para ILP nemite kara koribo koishe aro state government logot joldi para MRSSA toh bonaboli janaishe, keli koile illegal immigrant nemite besi tangor bapana ase. “central government aro state government melikena Meghalaya citizens khan ke olu bonaishe, keli koile government para mesa kotha besi koikena ase aro Inner Line Permit bonaboli demand toh sobse tangor government logot agenda ase,” koikena leaders para janaishe.