Tripura te aro 1 jun covid para morishe

April 8, 2021. Wednesday din Tripura te COVID-19 bemari para aro ek jun manuh morishe aro etu samai state te aro 21 notun positive cases registered hoishe, etu khobor toh health department para junaishe. Jowa 24 gonda pithor te, Tripura te 21 manuh ke COVID-19 bemar thurishe, koikena state health department para COVID19 bulletin khobor janaishe. Etu saal majot te, 1 din pithor te sobse besi cases powa ase. Etu moina 7 din pihtor te, sob melaikena 72 manuh logot COVID-19 bemari thurikena ase. Itya dak Tripura te COVID19 active cases toh 87 hoikena ase. Jowa saal aji laga din te, Tripura te kali ekta Covid-19 cases thakishe. Wednesday pujur te, Tripura chief minister Biplab Kumar Deb para tai logot be Coronavirus bemar paishe koishe. Itya dak Tripura te 33,575 manuh logot COVID-19 bemari hoikena ase aro 33,072 manuh khan etu virus bemari toh bhal hoishe. Northeast state pithor te Tripura state te COVID-19 cases toh 2^nd besi hoikena ase. Tripura te sob melaikena COVID-19 bemari para 390 manuh morikena ase. Tripura laga manuh mora rate toh 1.16%, ase aro etu Northeast te sobse besi rate ase. Wednesday din te etu bemari para 3 jun manuh bhal hoishe.