Mizoram: Covid para mora ke Rs 20 lakhs dibo

April 8, 2021:  Mizoram government para junaishe ke, jodi local volunteers khan novel coronavirus bemari para morishe koile toh government para ex-gratia Rs 20 lakh thiboli junaishe. Council ministers meeting toh chief minister Zoramthanga para chaired kora samai etu scheme para jodi member of Village Level Task Force (VLTF) nahoile Local Level Task Force (LLTF) khan Covid-19 kam kora samai morishe koile, tai khan laga ghor manuh logot ex-gratia thiboli fesla korishe. State te 1^st time ase ke VLTF nahoile LLTF volunteers khan Covid bemari para morishe koile etu kotha toh bonaishe. Village Level Task Force (VLTF) khan toh bosti pithor te rakina ase aro Local Level Task Force (LLTF) khan ke town te rakina novel coronavirus pheli rokaboli kam kori ase. Etu voluntary task forces khan para Indian state te besi tangor kam kori ase, jowa saal para tai khan para state government ke motob korikena Covid-19 bemari pheli thaka toh rokaboli kam kori ase. India pithor te Mizoram state te Covid-19 bemari nemite sobse bhal kam korikena jai ase. Mizoram te state government, local volunteers, NGOs aro churches para besi mon thikena kam kori ase koishe. Hoilebi, Tuesday din te 9 jun manuh logot Covid-19 positive tested paishe, etu melaikena Mizoram te 4,500 cases hoishe. Mizoram te 44 active cases aro etu samai virus bemari para 4,445 manuh bhal hoishe. Itya dak te Covid-19 bemar para 11 manuh morikena ase koishe.