Tripura CM COVID-19 positive paishe

April 8, 2021. Tripura Chief Minister Biplab Deb ke COVID- 19 positive tested paishe koikena etu khobor toh tai nejor para junaishe. Tripura CM Biplab Deb logot COVID- 19 positive thura nemite, tai ghor te quarantine kori ase. “ami ke COVID-19 positive paishe, etu nemite doctors khan laga kotha hesab te ami nejor ghor te ekla bohi ase. Ami para sob manuh logot koi ase ke, morom para COVID neum toh manikena safe thakibe,” koikena Bipal Deb para junaishe. Union Health Ministry para koishe ke, COVID-19 bemari toh India te besi joldi pheli ase. Jowa saal logot toh etu saal wala COVID-19 bemar toh besi jodi pheli ase, koikena Union Health Ministry para janaishe. Health Ministry para aro koishe ke, ahiboli 4 hafta toh besi thikari thakibo. NITI Aayog Member (Health) Dr VK Paul para koishe, India te COVID-19 bemari halat toh beya wala hoi ase aro manuh besi thaka jaga te virus toh phelina jai ase janaishe. Etu samai, India te 24 gonda pihtor te COVID-19 bemar para 630 manuh morikena ase, November 5 darik beche 1 din pithor te sobse besi manuh mora khobor ase. Tuesday din India te COVID-19 cases toh 1 din pithor te 1.07 lakh paishe aro etu sobse besi cases ase. India te 1 din laga cases toh 1-lakh oper otha toh tin(3) din majot te tui(2) paar wala ase koishe. India te tui(2) hafta pithor te COVID-19 cases toh besi othikena jai ase.