Men’s singles deh Ramkumar Ramanathan hari kena khel pora pahar hoise

Agencies, 08 November: Slovak Open laga second rund deh hari kena Ramkumar Ramanathan’s toh khel pora pahar hoise. Tai toh Germany’s Matthias Bachinger logode 3-6 6-3 2-6 pora hara thakise. July moina Fame Open laga Hall deh khela bechide Ramkumar toh Challenger circuit nahoile ATP World Tour laga second round par hobole napari kena ase. Hoilebe doubles deh Ramkumar aro tai laga partner Andre Vaselevski toh semifinal kushi kena ase. Tai jun local wild card pair Andrej K Martin aro Filip Polasek logode 4-6 6-3 10-8 pora jeta thakise. Hoilebe quarterfinal deh Purav Raja aro Sancic toh top seeded Britons Ken Skupski Jonny logode 6-4 4-6 6-10 pora hari kena ase aro tai khan laga khel toh 72 minute deh kothom howah thakise.