PV Sindhu aro Kidambi Srikanth quarterfinals ponjise

Agencies, 08 November: Thursday din China Open World Tour Super 750 deh purana champions P V Sindhu aro Kidambi Srikanth toh jeti kena quarterfinal kushise. Olympic aro two-time World Championship silver medallist, Sindhu toh Thailand’s Busanan Ongbamrungphan logode 21-12 21-15 pora second round time deh jeti lowah thakise. Three-game match time deh Srikanth toh Indonesia’s Tommy Sugiarto logode jeti lowah thakise. 2016 deh title jeta third seeded Indian toh next sobse gara eighth seeded He Bingjiao logode khelibole ase. Sindhu toh world no 7 Chinese logode tui-par log kora debe hari kena ase. Etu pora Friday din tai logode khela time deh paathla lobole kosish koribole ase. Last season time deh muscle beya hoi kena thaga karni khel khelibole napara Srikanth toh etu par Tommy Sugiarto logode 10-21 21-9 21-9 pora jetise. Aro tai jun laga khel toh 45-minute deh kothom howah thakise. Guntur laga 25-sal khelari toh 2014 sal deh China Open jeta thakise. Tai next etu sal Asian Games deh silver jeta Chinese Taipei’s Chou Tien Chen logode khelibole ase. Womens singles contest deh Sindhu pora Busanan logode olob bee chace nadiya thakise aro tai khel jeti nalowah agae deh 11-4 tak pongja thakise. Second game time deh Sindhu toh 4-0 pora agae deh thakise. Hoilebe seven straight points pora Busanan toh 7-4 pora agae deh thakise. Decider time deh Srikanth toh 7-3 pora 13-3 deh othija takise aro tai last deh 21-9 pora jetilowah thakise.