Agencies: Davos te Merkel koishe biya gas para duniya biya kuribole kom kuribole Germany toh coal para chola power plants khan toh chola bon kuribole plan kuri ase. Etu laga matlab fossil fuel laga estimal kura toh bon kuribo kuwa nohoi. Hoile bhi natural gas laga he bishi estimal kuribole kuwa ase.
Germany toh tai laga nuclear power plants toh saal 200 para cholabole bon kuri ase. Etu toh “Energiewende” laga badlaz kuribole laga plan kura nimite ase. Etu “Energiewende” toh kom carbon, environmental-friendly aro affordable energy supply laga plan ase . Ketiya Merkel 2005 te power te ahishe. Merkel toh environmental pacts bon kuribole success pa nimite ta ‘climate Chancellor “ hesab te bhi kaam kura suru kurishe.
2011te Fukushima nuclear disaster huwa pichete Merkel sob nuclear plants khan toh 2022 para bon kuribole announce kurishe. Hoile bhi etu nimite desh te bishi dangor problem olaishe coal para chola plants para Germany laga electricity need toh 40 percent para cover kure. Hoile bhi 2030 bhitor te CO2 emissions toh 55 percent para kom kuribole etu plants khan bhi hatai dibole kuri ase.
Merkel koishe judi ami khan coal charile aro judi ami khan nuclear charidile. Etu hoile toh ami khan bishi natural gas lagibo. 2011 te Merkel goal set kurishe ke 2050 saal bhitor te 60 percent lagija laga energy toh dubara culabole para sources para pura kuribole kosis kuribo.
Add Comment