Agencies:Sob para ucha rebel commander koishe Syria ISIL khilaf te military operations huwa nimite Syria ISIL khotom hubole ase. Aro ‘caliphate’ group laga akhri pocket toh moina bhitor te khotom hoi jaibole ase.
Friday te Kurdish para chola Syrian Democratic Forces (SDF) laga chief Mazloum Kobani AFP news agency ke koishe ami khan laga forces khan laga operation toh ISIL laga akhri poctet te pungchi jaishe. Aro ISIL nimite larai kura khan toh ekta jaga te he ase aro tai khan kea mi khan pura jaga para ghayri loishe.
Eastern Syria laga Euphrates Valley laga Islamic State of Iraq and the Levant (ISIL, tai khan ke ISIS naam para bhi jane) group ke khotom kuri dibole etiya akhri phase te ase. Etu operation toh September 10 para United States para chola SDF coalition para suru kurishe.
Kobani koishe jag ate bachi kena thaka ISIL ke khotom kuri dibole ami khan ek moina genika lagay. Etu kotha Kobani para AFP ke Syria laga northeastern city Hasaka te koishe.
Kobani koishe ami khan bisas kuri ase ke ami khan aha moina para jaga te ‘caliphate’ laga military presence toh khotom huwa officially announce kuribole paribo.
UK te thaka Syrian Observatory for Human Rights war monitor laga hesab te bishi biya para larai huwa nimite duita side laga larai kura manu khan toh bishi murishe koishe.
ISIL toh jua saal Hajin town toh harishe. Aro ISIL khan toh tai laga defences toh bar-bar hara nimite Kurdish para chola SDF toh ekta bosti para dusra bosti jeeti kena jai ase.
Add Comment