MONTERREY, MEXICO: Mexican authorities khan Tuesday te luxury jet te murikena thaka laga 13 jun murikena thaka manu ke paishe .
Etu private plane toh Sunday din te Las Vegas para Mexican city Monterry te jai thakishe hoilebi pahar area te girishe .Etu jaka te forensic experts khan punchise .
Etu expert khan para sob bodies khan paishe -sob milaikena 13 jun thakishe ,” Coahuila state attorney general Gerardo Marquez koikena janaishe .
Tai khan koishe satta body toh thik thakishe hoilebi juli jaishe aro dusra choi ta toh dhunga hoi jaishe . Air-traffic controllers koishe tai khan juwa Sunday te Bombardier Challenger 601 jet logote contact harishe.Etubi Cohuila te altitude harijaikena .
Etu jet laga khali wings aro tail bachikena thakishe aro fuselage toh biya para julikena phangaise.
Etu plane te Mexican oil services company Typhoon Offshore, laga duita executive aro tai khan laga ghor manu khan thakishe .Etu group khan Las Vegas te ahise Mexican boxer Saul “El Canelo” Alvarez para United States laga Daniel Jacobs ke haraidiya laga khel sabole nimete .
Twitter te atheletes khan para mondukh janaikena prathana kuribo koikena janaishe .
Etu te tinta manu mura toh etu twin-engine Bombardier Challenger 600 series plane laga crew thakishe .
Coahuila Undersecretary Civil Protection Francisco Martinez koishe mousum bodli huwa nimete etu crash huwa nishena ase .
Add Comment