San Jose, 8 July : Mexico United States ke 2-1 te haraikena CONCACAF Gold Cup retain korise aru itiya record 10th bar jiti lobo parise, Sunday raati te.
77th minute te Mexico laga captain Edson Alvarez ekta header goal disey, juntu comeback victory complete korise ekta dangor match te, juntu huni jaa North American rival aru 2026 World Cup co-hosts majote.
Itu jeet Mexico laga deserved thakise, pura match te besi dominance dekhaise, especially USA laga Mauricio Pochettino laga inexperienced team logot, juntu tournament te anek first-choice player bina khele thakise.
USA laga suru dangor thakise, jitia centre-back Chris Richards ekta header goal marise 4th minute te, 71,000 manuhor saamne NRG Stadium te.
Sebastian Berhalter laga bhal flighted free-kick te Mexican defence confusion te porise, aru Crystal Palace laga defender Richards zor laga header dise juntu bar te lagikena goal line cross korise.
Itu early goal USA laga first half laga best chance thakise, baki part te Mexico control loise.
Mexico laga 16-saal purana prodigy Gilberto Mora 24th minute te equaliser maribo try korise, kintu usor laga curling shot USA goalkeeper Matt Freese bachai luse.
3 minute piche, Mexico equalise korise. Marcel Ruiz ekta bhal pass disey veteran striker Raul Jimenez ke, aru Jimenez ekta unstoppable shot marise juntu direct net laga roof te ghusishey.
13 minute baki thakia time te Mexico laga breakthrough ahise, jitia Johan Vazquez laga flick-on ekta free-kick te Alvarez laga matha te lagikena goal ahise.
Initially referee offside signal disey, kintu VAR replay te dekhaise Alvarez clear onside thakise, aru goal confirm korise.
Itu goal dia logote, Mexico 10th Gold Cup jitse, USA logot 3 besi.
Add Comment