London, 8 July : Geraldine Reuteler laga ekta opening goal aru Alayah Pilgrim laga last te diya second goal te host desh Switzerland ekjon 2-0 te Iceland ke haraise Sunday din, aru etu jeet te Switzerland laga knockout stage te jabole laga asha alive ase, karon etu group A laga unpotham jeet ase Women’s Euros te.
Duita team bhi laga opening match harise, tai etu match te bishi mistake koribo nimite chance thakianai. Match shuru hua logot, Iceland laga Ingibjorg Sigurdarsdottir ekta dangor shot marise juntu crossbar te lage jaishey — etu dekhi 29,658 fans laga majority shock hoi jaise.
76th minute te jaitu match tough aru tense thakise, Reuteler finally deadlock todise. Iceland laga midfield te ball harai jaise aru Sydney Schertenlieb tai laga path te ball slide kori dise — aru Reuteler straight goal marise. Last moment te Pilgrim ekta Swiss counter-attack te ekta deflected shot marise juntu net te jai lagise aru Switzerland ke full three points di dise.
Agey te, Norway 2-1 te Finland ke haraise aru group top te uthise. Switzerland bhi goal difference hisab te second te uthise, Finland ke piche rakhikena, aru Iceland group bottom te thaka karone now knockout stage te jabole chance nai.
Switzerland laga last group match Wednesday din Geneva te hobo, juntu te taikan Finland ke face koribo. Dusra side te, Iceland group leader Norway ke face koribo Thun te — Norway already last eight qualify kori loise.
Caroline Graham Hansen laga jeet ula strike juntu Norway ke Finland uporte advantage dise, etu hoile bhi tai laga career laga best goal nahibo, kintu etu goal Norway ke Euro te past laga heartbreak pichhe redemption dibole ekta chance dishey.
Add Comment