Mike Pompeo logode kotha kora bechide biswas: Imran Khan

Islamabad, 6 September: Wednesday din Islamabad jaga de Pakistan laga notun Prime Minister Imran Khan toh US Secretary of State Mike Pompeo logode log kora thakise. Imran koise, tai toh optimistic (paribole biswas) ase aro Washington pora combat militants de motob kori thaga cancel kori de-kena relationship beya howah bechide tai aro thek koribole kosish koribo koise. Imran Khan koise, apuni jani ami toh optimist joknom powah manu ase. Sport manu toh hotai optimist de ase. Tau field de theng rakhise aro tai jenor jetibole biswas kori ase. Paqkistan de Pompeo first time jaa toh jar-khonda thakise. India de Pompeo na-jaa agae de, airport jaga de tai koise, etu foundation toh agae jabole biswas kori ase. Tai koise, ami khan toh arobe agae jabole aro kotha khan koribole besi lamba rasta ase koise. Etya time hoise ami khan joint commitment kora de olai kena suru hobole.. Ami khan ke besi din ase kotha khan koribole aro agreements koribole. Hoilebe ami khan etu toh olabole na-pari kena ase koise. Pompeo toh Khan, Pakistan’s foreign minister Shah Mahmood Qureshi aro  powerful Army Chief Gen. Qamar Javed Bajwa logode log kora thakise. Pompeo koise, ami khan notun government nemide kotha korise, chance toh tuita desh majode relationship phal hoi kena broad spectrum, economic, business aro commercial de phal hobo lagibo koise. Tai koise, United States aro Pakistan ekala nahoi kena Afghanistan debe relation phal hobo karni kotha korise koise. Tai khan Afghanistan logode relation phal hobo kebah ekta koribo lagibo kose. Pakistan jaga pora Pompeo na-chara agae de janaideya toh, tai khan aji foundation kora de phal pora suru hoi kena agae jai thakibole biswas kori ase koise.