New Delhi, 10 February : Mini Mathur IndiGo Airlines ke poor management aru senior citizens ke thik treatment nadiya laga karone call out kori dise. Actor aru host Mini recently nijor baba logote flight kori thakise, aru experience tu bilkul bhal thakianai. Tai nijor Instagram Stories te ordeal share kori, aru likhise ki tai laga 86-saal baba ke 1 km walk koribole dise cabin baggage logot, kelemane pre-book kora wheelchair available thakianai.
Nijor Instagram Stories te Mini Mathur likhise,
“Dear @indigo.6e! Moi usually Instagram use nakure shame/complain koribole, kintu apuni Mumbai airport te senior citizens ke better treat koribole lagey
1. Wheelchair passengers karone alag check-in counter nai…
2. Counter te thaka rude woman tu hand luggage check-in koribo mana kori diye (like… jodi taikhan walk koribo napare, taikhan cabin luggage keneke loi jabo?)
3. Pre-book kora wheelchairs bilkul available nai.”
Tai aro add kori likhise,
“Moi laga 86 saal baba ke gate pora 1 km dur WALK kori jabo lagise, cabin luggage logot. Buggy arrangement nai. Jun brand age ke compassion logote treat nakore, tai brand nijor age bhal koribo napare.”
Career laga shuru te, Mini Mathur MTV India te bishi shows host kori thakise. Tai reality singing show Indian Idol tu 6 seasons karone host kori thakise. Tai 2007 te Jhalak Dikhhla Jaa second season te contestant thakise. Kunba saal age, tai Prime Video series Mind the Malhotras te Shefali Malhotra laga role play kori thakise. Jaa saal February te, Mini nijor husband-filmmaker Kabir Khan logote 25th wedding anniversary celebrate kori thakise.
Add Comment