Mumbai, 11 February : Actor Sreeleela etiya officially doctor hoise!
Film te acting aru medical padhai duita ke six saal balance kori thakina, tai recently Mumbai te DY Patil University pora graduate hoise. February 10 te graduation ceremony hoise aru tai laga picture aru video social media te viral hoise, fans khub proud feel kori ase tai nijor sapna pura kora karone.
Wednesday din te Sreeleela laga graduation ceremony pora bisi picture aru video internet te circulate hoise. Ekta picture te tai stage upor te ase, maroon colour laga convocation robe pindhina, degree receive kori thaka dekhai.
Aru ekta video te tai stage te baki students logot te line te khara ase, tai laga naam call howa age. Degree receive kori stage pora nama logote tai nijor family ke hug kori ase.
Ekta video te Sreeleela aru tai laga classmates mila modern style te Hippocratic Oath loi thaka dekhai. Announcement howa time te ki taikhan etiya officially class of 2020 laga doctors hoise, tai smile kori friends logote cheer kori ase.
Sreeleela 2001 te Detroit, USA te ekta Telugu family te jonmo hoise aru Bengaluru te dangor hoise. Tai laga maa Swarnalatha ekta gynaecologist, Bengaluru te practice kori ase. Tai 2017 te Telugu film Chitrangada pora acting debut korise, jitia tai Sindhu Tolani laga character laga younger version play korise. Lead actress hisab te tai laga debut hoise 2019 Kannada film Kiss te. Eki saal te tai Bharaate film teo kaam korise.
Sreeleela 2021 te Pelli SandaD pora Telugu debut korise aru tatey pora tai laga career piche ghurai nai. Tai Dhamaka, Bhagavanth Kesari, aru Guntur Kaaram nisina film te kaam korise, Ravi Teja, Balakrishna aru Mahesh Babu logote. Tai Pushpa 2: The Rule te special number Kissik teo appear korise.
2025 te tai Telugu film Robinhood, Junior, aru Mass Jathara te kaam korise. Itu saal tai Tamil debut korise Parasakthi film pora aru etiya Anurag Basu laga Hindi film te Kartik Aaryan logot te debut koribo ready ase. Tai logot te Ustaad Bhagat Singh (Pawan Kalyan logote) aru ekta yet-to-be-titled film Dhanush aru Sai Pallavi logot lineup te ase.
Add Comment