Aizawl, October 16 : Congress party para Mizoram election nimitey taikhan laga candidate laga list release kurisey. Congress para rajya laga assembly te thaka 40 seat para total 39 seat nimitey candidate ailan kurisey.
Etu announcement tu Congress leader Rahul Gandhi aji (October 16) te dui din laga visit nimitey Aizawl te pungcha picheyte ahisey.
Yaad rakhibole laga kotha tu etu asey ki 5jun sitting MLA majotey 4jun MLA ke ahibole thaka election nimitey ticket disey. Palak assembly seat laga MLA, KT Rokhaw ke IP Junior koikina ekjun nutun candidate logotey replace kuri disey.
Etu list ke ailan kora alag candidate khan laga majotey, Mizoram Congress Committee president Lalsawta tu Aizawl West – III (ST) seat para election laribole asey. Etu homoitey, party leader Lalnunmawia Chuaungo ke Aizawl North-I (ST) seat para nominate kurisiley.
Etu homoitey, Congress para duijun maiki candidate ke ticket disey. Mizoram laga minority tribe Chakma para duita candidates ke ticket disey. Etu duijun candidate tu West Tupi seat laga sitting MLA Nihar Kanti Chakma aro Tuichowang seat laga Hara Prasad Chakma asey.
Cngress tu akhri bar Mizoram te 2008 para 2018 tak utu homoi laga Chief Minister Lal Thanhawla laga under te power te thakisey. 2018 laga state election te, Chief Minister Zoramthanga laga under te Congress ke Mizo National Front (MNF) para taikhan laga seat para hataidisey.
Mizoram tu November 7 te election te jabole asey. Vote laga ginti tu December 3 te hobole asey.
Add Comment