November 18,2020: Mizoram Congress laga youth wing para Tuesday te governor PS Sreedharan Pillai logote tinta three ruling Mizo National Front (MNF) legislators aro one independent MLA laga khilaaf complaint kurishe etu bi ekta office of profit thura nimete.
Congress youth president Lalmalsawma Nghaka para koikena janaishe ekta petition three MNF MLAs–F Lalnunmawia, L Thangmawia, Vanlaltanpuia and an independent MLA Vanlalthlana– laga khilaaf kura te petition toh governor ke dishe etu bi University laga salaries ola nimete aro legislators laga facilities khan enjoy kuri thakishe.etu toh “office of profit” laga case ase aro Indian constitution laga article 102 (1) (a) and 191 (1) (a) laga violation ase.
Etia Lalnunmawia toh professor botany department of Mizo University (MZU), te kaam kureh aro bachikena thaka tinta MLA s khan Pachhunga University College (PUC) Aizawl, MZU, logote affiliate thaka laga regular faculties khan ase.
MZU, laga etia laga regulation uporte kotha kurikena Lalmalsawma koikena janaishe university para civic rights khan deh assembly nohoile toh Lok Sabha election toh conters kuribole nimete teaching staff khan nimete aro judi chunishe koile toh tai khan para Extra Ordinary Leave (EOL) komti hoilebi 10 sal nimete deh.
Judi etu university teachers khan elected hoikena leave luwanai koile toh tai khan laga regular teaching profession toh kuribole lageh aro research work logote hoilebi 50 per cent reduction work load te tai khan legislative works khan kuribole nimete.
Etu regulation para tai khan ke ekta option bonabole deh judi tai khan salary olabo na naolbo university nohoile toh state legislature para house te chuna pichede.
Tai aro bi koikena janaishe etu charta MLAs te tinta toh programme- Socio-Economic Development Policy (SEDP) bithor te alag alag implementing board laga vice chairman nimete chunishe. Aro tai khan ke Minister of State (MoS), laga rank dishe kuntu toh constitution laga article 164 (1A) te ase.
2018 laga last assembly polls luwa te Prof. F. Lalnunmawia Aizawl South-III assembly constituency, L. Thangmawia Lengteng constituency, Vanlaltanpuia Lunglei North constituency aro Vanlalthlana Zoram People’s Movement (ZMP) para backed kura toh Aizawl North-II assembly constituency para chunishe.
Congress youth wing para governor ke etu chamela toh sabole janaise aro etu charta legislators laga khilaaf action lobole janaishe.
