November 10,2020: Mizoram laga district court para Monday te ekta 43 umar mota ke 20 sal sajaa dishe etu bi paanch sal akhe te paanchta manu ke muraidiya pichede.
Etu additional district and session judge of Aizawl judicial district, H.T.C. Lalrinchhana laga verdict hisaab te etu convict Laltlanchhuaha Republic Mualveng Aizawl, te thaka manu toh Indian Penal Code (IPC) laga section 302 bithor te sajaa paishe etu bi jeevan bhar jail te buibole nimete(ekta lifetime each five cases te) etu bi January 2015 te ekta family laga paanchta members ke muraidiya nimete.
District court para aor bi etu paanchta murder cases nimete convict uporte Rs. 2 lakh each fine kurishe judi etu kuranai koile toh tai toh aro bi 10 sal jail sajaa pabo(dui dui sal paanchta murder cases te.)
Etu judgement te koikena janaishe ki Laltlanchhu aha toh 20 sal jail sajaa thakibo etu bi section 449 (house-trespass in order to commit offence punishable with death) and 307 (attempt to murder) bi thor te tai laga laga lifetime imprisionment shuru nakura akhe te.
Tai toh aro bi 4 sal rigourous imprisionment jabo judi tai para Rs 4 lakh fine dibole paranaia koile toh etu bi section 449 aro 307 bithor te offence nakura te.
Etu lifetime punishment aro rigourous imprisionment toh concurrent nohoikena consecutive ase nature te kile koile life time imprisionment toh etu convict ekbar 20 sal( 24 sal fine dibole naaparile toh) rigourous imprisionment pabo.
Order te koikena janaishe Etu detention samay offender nimete kuntu toh tai akhe para hi jai ase chan bin kura samay te aro trial toh set off kuribo section 428 Cr PC para.
Laltlanchhuaha ke 2015 te thurishe etu bi tai para saata member family te thaka paanchta manu ke muraidiya pichede etu te family head Republic Veng neighbourhood Aizawl te thaka Sangliansiama(57), ke muraidishe.
Etu hadsaa toh akhe wala thakishe Christian dominated Mizoram te huwa toh etu toh January 9 2015 laga rati te hoishe etu bi Laltlanchhauaha kun ekta carpenter aro mangsu kata manu aro etu eki jaka te thaka toh sangliansiama laga ghor te ghussise.
Hoilebi Sangliansiama’s nephew (Vanlalchhungi’s son) Lalhriatpuia kun etu hadsaa samay te ghor te thakanai tai ke charishe.tai khan laga ghor te kaam kura maiki lalzeipuii bi bachaishe kile koile tai bathroom te bondh thaka nimete.
district court para etu case ke ek bar nahuna case bonaidishe kile koile etu accussed (convict) para khali muraidiya hi nohoikena victims khan ke bishi bar wala katishe tai khan namura akhe te.
