Aizawl, November 5 : Mizoram Assembly Election nimitey designated facilitation centre khan te Saturday din tak te, home voting(ghor para vote kora) laga through para 2,058 vote dhalisey aro postal ballot para 7,497 vote paisey. Etu jankari tu Mizoram CEO office laga ekjun official para disey.
Etu official para koisey ki Saturday laga 5 PM tak te ghor para vote kora aro post para vote patha laga mamla te pura puri 9,555 manu para vote dhalisey.
Etu official para koisey ki 2023 Mizoram Legislative Assembly election nimitey, home voting laga process tu rajya laga bisi alag alag district tak baraidisey aro enaka kurikina 80 years aro etu para bisi umar laga bura buri khan aro gao thik thak nathaka manu khan ke vote dhala te bhak lobole di asey. Aam vote diya manu khan ke milaikina, polling personnel, alag official aro essential services on duty khan bi postal ballot laga through para taikhan laga vote dhali asey. Election ke pura khula khuli aro hosa hosi para hobole dibole nimitey, 1,276 vote diya jaga majotey 765 jaga te webcasting bondobos kurisey.
Add Comment