June 23, 2021. Wednesday din Mizoram te 24 gonda pithor 430 bemari cases thura te 103 cases toh jail te thaka manuh logot thurishe koishe. 24 gonda pithor te 3,974 samples tested kora te melaikena state cases toh 18,409 hoishe aro positivity rate toh 10.82 per cent ase koishe. Monday din Aizawl te orphanage & rehabilitation centre te komti hoilebi 528 Covid-19 cases thurishe. Official para koishe ke 103 cases toh Central Jial te thaka manuh logot thurishe. Etu notun cases thura te 73 bacha, 6 security personnel aro tui(2) jun healthcare workers aro central jail staff khan ase koishe. 430 notun cases te Aizawl district te sobse besi 299 cases, etu beche Lawngtlai district (52) aro Kolasib district (30) cases thura ase koishe. Baki dosura cases toh from Siaha, Serchhip, Lunglei, Mamit, Hnahthial aro Champhai districts te ase koishe. 59 notun cases cases toh Zoram Medical College’s RT-PCR laboratory para thura ase aro 13 cases toh TrueNat facilities te paishe aro baki 358 cases toh Rapid Antigen Test para alag-alaga districts te thurishe, koikena officials para janaishe. 9 jun logot travel history thakishe aro 421 toh locally contracted kora ase koishe. 430 bemar manuh pithor te 244 toh Covid-19 symptoms ase koishe. Mizoram te active cases toh 4,424 ase aro 13,900 toh bemar bhal hoishe.
