Mizoram te 184 notun cases, 6 jun police samil

May 7, 2021. Mizoram te 184 manuh pithor te West Bengal election duty beche ayaa 6 jun police manuh khan logot 24 gonda majot te Covid-19 positive thurishe koishe. Mizoram te itya Covid19 positive tally toh 7,147 te othishe koikena official para janaishe. Central Reserve Police Force (CRPF) laga 7 jun, 2 jun Border Security Force (BSF) jawans, 2 jun two healthcare workers aro Indian Army personnel khan notun cases powa te samil ase, officials para koishe. Etu notun cases pithor te Aizwal district para 146 cases paishe, 11 cases toh Lawngtlai district para ase aro Kolasib district para 5 cases, etu oper te Serhhip district para 5 cases, Lunglei district 10, Mamit district para 2 aro Saitual district para 1 cases thurishe koishe. Etu pithor te 34 manuh laga travel history ase aro dosura khan toh locally thurishe, koikena officials para janaishe. Tai aro koishe ke, 36 bemar manuh ke Covid19 symptoms thakishe aro baki 148 manuh toh asymptomatic ase. Mizoram te itya sob melaikena 779 active cases hoishe aro etu virus bemar para 5,351 manuh discharged hoishe. Mizoram te bemari para 17 manuh morikena ase. State te itya dak 3,23,271 Covid19 tests loikena ase aro Thursday din te 3,230 loishe. State immunisation officer Dr. Lalzawmi para koishe ke, 2,23,805 manuh ke Covid19 vaccine first dose thikena ase aro Thursday din dak te 47,370 manuh full doses kotom hoishe.