Sonowal aro Himanta Biswa ke Delhi te mathishe

May 8, 2021. Assam te Chief Minister post nemite BJP laga top leaders khan para Assam CM Sarbananda Sonowal aro finance minister Himanta Biswa Sharma ke Delhi te urgent meeting koriboli mathishe. Khobor hesab te, party central leadership para Sonowal aro Sarma ke national capital te BJP president JP Nadda laga ghor te Saturday din 10:30 am te mathishe, etu samai state chief minister hoboli nemite final fesla koribo koishe. Khobor para aro koishe ke, Chief minister Sonowal aro Sarma toh Saturday pujur chartered flight jaishe koishe. Friday rathi Sonowal aro Sharma Delhi para phone te New Delhi ahiboli koishe. Etu meeting toh Nadda laga ghor te 10.30 te soruh koribo aro etu beche Assam laga notun chief minister kaun hobo janibo koishe.