July 13, 2021. Mizoram te Covid19 halat toh besi hoikena jowa samai Tuesday pujur te notun 519 positive cases thura khobor paishe. Notun 519 cases melaikena Mizoram te itya positive cases toh 24,702 te othishe. Department of information & public relations (DIPR), Covid19 bulletin laga khobor hesab te, Mizoram te 519 notun cases pithor te 182 cases toh Zoram Medical College (ZMC) RT-PCR test kora te thurishe, 33 cases toh TrueNAT test para thurishe aro 304 cases toh Rapid Antigen Test kora samai thura ase koikena janaishe. Mizoram te itya Covid19 positivity rate toh 9.78% hoikena ase koishe. Tuesday pujur dak te Covid1-19 bemari para manuh mora khobor thaka nai aro Covid-19 active cases toh 4,787 ase koishe. Active cases pithor te Aizawl te 3,062 cases, Lunglei – 437, Siaha – 97, Champhai – 33, Kolasib – 447, Serchhip – 41, Lawngtlai – 439, Mamit – 207, Khawzawl – 6, Hnahthial – 9 toh Saitual district te ase. 24 gonda pithor te sob melaikena 117 bemar hoikena thaka manuh khan bhal hoishe. Etu samai, Mizoram government para UNICEF logot 150 oxgyen concentrators donate kora nemite besi kushi powa khobor khobor toh information & public relations (DIPR) para janai thishe.
Mizoram te 519 notun Covid19 positive cases
