Aizawl, August 2, 2025: Mizoram laga Champhai Police khan para pasta manu ke arrest kurishe koishe. Aru yete duijun toh maiki ase koishe. Yete taikhan Heroin drugs paishe koishe. Etu toh 3da alak alak operation te thakhishe koishe.
Thursday din te. Police khan para koishe ki. Champhai police khan para. Aizawl laga Taxi ekta ke rukhaishe koishe. Etu toh Champhai laga Khankawn Check Gate te. Yete taikhan 364 gm laga Heroin drugs paishe koishe. Aru etu toh Rs 10.92 Lakh laga daam ase koishe.
Etu taxi Driver toh C Zoramhluna (29) ase koishe. Aru tai toh Biate Bosti laga ase. Aru etea toh Aizawl laga Chaltlang Lily Veng te thakhea ase koishe. Aru Passengers khan toh Lalnunzira (34) aru Lalthanmawia (30) ase koishe. Tai duijun bi Chaltlang Lily Veng para ase koishe.
Zoramhluna para Police khan ke koishe ki. Tai toh Champhai te ahishe koishe. Etu drugs khan toh lobole. Aru Aizawl te thakhea manu ke dibole thakhishe koishe.
Excise and Narcotics Department laga Officials khan parabi 60.27 gm laga Heroin toh paishe koishe. yete Duita drugs bika maiki laga haat para. Etu toh alak alak operation te thakhishe koishe. Etu toh Sechhip District laga Chhiahtlang Bosti te thakhishe koishe. Yete Sob pasjun bi Narcotics Drugs aru Psychotropic Substances Act 1985 laga Section bitor te dali dishe koishe.
Add Comment