Thiruvananthapuram:
Sources koishe ke India te Father of modern legal education NR Madhava Menon murishe. NR Madhava Menon toh Wednesday Kerela te laga ekta hospital te muri jaishe. NR Madhava Menon laga umar toh 84 thaishe. NR Madhava Menon etu duniya te maiki aro chokora chari kena jaishe.
Parivar laga najdik (close) saathi PTI ke koishe NR Madhava Menon toh jua ek hafta para age-related ailments nimite private hospital te treatment loi thakishe. NR Madhava Menon toh jua rati 11:30pm nisina te murishe.
President Ram Nath Kovind para NR Madhava Menon mura laga apsos thaka kotha janaishe.
Kerala governor P Sathasivam koishe Menon mura nimite bishi apsos hoishe.
Chief Minister of Kerala Pinarayi Vijayan tai laga condolence message te koishe Menon para desh ke legal education sector ke notun disha dishe.
Bangalore laga National Law School toh Menon kaam kura nimite khulibole parishe. Olop samay pichete West Bengal Chief Minister Jyothi Basu para tai ke Kolkata te Bangalore te institute khula nisina khulibole matishe. Vijayan koishe Menon ke pabole parishe etu para kun Keralite ke bhi proud kuribole lage.
Add Comment