Tuesday din West Bengal Chief Minister Mamata Banerjee para Prime Minister Narendra Modi logode kelaaf korikena kowah toh, “ami toh democracy laga ekta tight dhabor debole mon ase”.
West Bengal laga Puralia district deh rally lowah time deh Mamata para kowah ke ANI para kowah toh, “Poisa toh ami ke eku nahobo. Etu para Narendra Modi toh Bengal deh ahhai kena ami laga party logode tolabaaz (toll collector) nemide kelaaf korishe. Ami tai logode democracy laga tight dhabor toh debole mon ase”.
Mamata Banerjee para etu kotha ola toh Prime Minister Narendra Modi aro tusara BJP leaders khan para Bengal deh TMC toh poisa laga organiser group ase kowah karni kowah ase.
PM Modi para Lok Sabha polls nemide rally lowah time deh kowah toh, West Bengal deh, Mamata Banerjee laga pathor deh ‘triple T’ para jani aro etu toh Trinamool, Tolabaazi, Tax ase.
Monday din Mamata para kowah toh, tai Cyclone Fani opor deh kotha kuribole Modi para request kora ke jaanai. Tai toh tai ke desh laga prime minister namani koishe. Etu para tai meeting matiya ke chaanai koishe. Tai next PM logode he kotha kuribo koishe. Tai para cyclone para beya howah opor deh nejor para he sabole paribo koishe. Tai para polls agae deh Centre laga motob nalagi koishe.
Add Comment