England, 19 October : Liverpool aro Egypt football star Mohamed Salah para humanitarian aid ke Gaza pitor dey ahiwo diwoley madishey Wednesday dey kitia tai para itu “violence” khotom kuriwoley kuishey Israel aro Palestinian militant group Hamas bheej dey conflict thakia dey. Gazans toh saaman komti hua laga dikhi asey kitia itu territory toh October 7 laga attacks para luina bondh huishey kuntu Hamas militants para Israeli communities aro military posts ke kurishey kuntu para 1,400 jaan jaishey. Tuesday dey, ekta deadly rocket para Gaza laga ekta hospital dey marishey kuntu Hamas para Israel ke podnam dishey.
Huilewi, Israel para responsibility maana kurishey, kuishey ki itu strike toh Palestinian militants para maria laga ekta rocket para huishey.
Ekta Champions League aro Premier League jitia khiladi Liverpool logot, Egypt captain Salah, 31, tai toh Arab world duniya dey sobse famous khiladi maju dey ekta asey.
“Inika tome dey khota kuwoley aasani nahoi. Hotai bishi violence thakina ahi asey aro bishi muun bikha laga aro brutality,” Salah kuishey ekta video dey kuntu tai para post kurishey tai laga 62.7 million followers ke Instagram dey
“Jaa hafta khan dey itu violence bishi hui jaa toh napari jai asey. Sob jaan sacred asey aro pachawo lagey. Itu massacres toh rukhibo lagey, khantan khan ke alag alag kuri di asey.”
“Itia bishi lagia toh humanitarian aid toh Gaza dey julti allow kuri diwo lagey. Manu khan toh bishi biya haalat dey asey,” Salah halishey.
“Kali raati hospital laga scense toh bishi bhui thakishey. Gaza laga manu khan khana, paani aro medical supplies julti lagi asey.”
“Mui duniya khan laga leaders ke madi asey eki logot ahiwoley itu innocent jaan laga agey slaughter toh rukhawoley- humanity agey ahibo lagey.”
Add Comment