Spain, 19 October : Jenni Hermoso ke Wednesday dey Spain mahila laga squad dey hali dishey first time karoney scandal piche dey unsolicited kiss upar dey kuntu former federation president Luis Rubiales para tai ke dishey Mahila laga World Cup final dey Australia dey. Notun coach Montse Tome para itu 33-saal umaar midfielder ke halishey, kun Mexican side Pachuca karney khiley, tai laga squad dey Switzerland aro Italy khilaf khiliboley itu mahina deri dey Nations League dey. Hermoso toh itu toofan laga bheej dey thakishey kuntu para Spanish football ke hilai dishey Rubiales para tai ke joborjost muuk dey kiss kuria piche dey awards ceremony hua homoi Spain para England ke mahila laga World Cup final dey harai dia piche Australia dey August 20 dey.
Rubiales toh Spanish football federation (RFEF) laga head thakishey itu time dey, huilewi tai resign kuri luishey kiss laga upar dey manu para khota kua piche dey, 39 khiladi strike kurina national team para padlav aniwoley mangina.
Tai kuishey ki itu kiss toh mutual aro consensual thakishey huilewi Hermoso para kuishey ki itu tai laga consent nathakina kurishey.
Itu scandal karoney coach Jorge Vilda ke bhi dismiss kurishey, kun ke Tome para replace kurishey, tai laga number two.
Jaa mahina Tome para mahila World Cup-jitia khiladi khan bishi pak ke matishey tai laga first Spain squad karoney, huilewi Hermoso ke chari dishey — Spain laga all-time leading scorer — taike “pachawoley”.
Tai ke chari dia laga faisla toh bishi khiladi para criticize kurishey aro Hermoso nijor para bhi.
“Muike ki para pachawoley? Aro kun para?” Hermoso hudishey ekta statement dey.
Kitia Hermoso laga inclusion laga hudishey ekta news conference dey Wednesday, Tome kuishey tai alag khiladi logot khuta kuishey aro kuishey ki jaa squad dey tai nathakia toh Tai ke pachawoley laga kosis thakishey.
Add Comment