Mokokchung, 26 March: Mokokchung District Planning and Development Board (DPDB) laga monthly meeting toh 24th March 2023 te Deputy Commissioner’s Conference Hall jaga te loise. Deputy Commissioner & Vice Chairman DPDB, Mokokchung, Shashank Pratap Singh, IAS para members ke welcome kora samai te, sob Departments, Educational Institutions, aro Civil Societies te welcome korise tai khan laga cooperation aro support nemite District te NLA General Election kamiyab hoi kena lowa nemite.
Meeting te Deputy Commissioner & Vice Chairman para ekta briefing toh State Election Commission para deya hisab te ULB Election laga schedule te deya thakise. Aro Chief Minister’s Health Insurance Scheme (CMHIS) bona te review kora samai te, DC para etiya nemite district te CMHIS nemite registration kora toh khali 39 percent thakise koise. Tai para district te sob district hods aro employees ke request korise ekta review koribole aro joldi para 100 percent cover koribole kosish koribole.
Last meeting minutes te review kori kena, ekta status report toh District Hospital (IMDH) Road, Mokokchung laga repair aro maintenance te department of Urban Development para deya thakise. Etu te khobor kora te, kaam laga 70 percent toh kothom hoise ro bacha kaam toh tui hapta samai te kothom hobole ase koise. Etu te DC para department te maximum kosish toh kaam te sha ate debole koise kelay koile etu toh lakiya nesana olabole nemite.
Meeting te attended Ao Senden President, Chubawati Longchar para District Hospital (IMDH) Road, Mokokchung laga etu repair aro maintenance toh ekta hosha laga hobole bonabole nemite besi dukh toh loise koise. Etu nemite tai para concerned department ke remind korise manu khan ke quality work lakiya aro judi matter te seriously naloile compromise nakoribo koise.
Meeting te be Yimyu te Inter-State Bus Terminus (ISBT) laga shifting te review kora thaksie. Etu te Deputy Commissioner & Vice Chairman para Department Official ke ISBT te restoration work toh joldi koribole koise. DC para ISBT shift kora para town te traffic congestion te felicitate koribole motob koribole ase koise.
Add Comment