Dimapur, 09 May: 1st Quarterly DDMA( District Disaster Management Authority) tentative agenda meeting toh Monsoon Preparedness nemite office of the Deputy Commissioner Conference hall jaga te 9th May 2023 te loise.
Etu genda meeting te, Deputy Commissioner, Sachin Jaiswal para 1st quarterly meeting toh sob districts te loi aro hotai saal state level te be koise. State para upcoming monsoon te lok koribole kenaka thek para diyar korise etu te koise. Tai para respective departments te, DDMA weather laga update toh hotai moina te lobo laki koise aro khobor toh WhatsApp group te shared koribo laki koise kelay koile essential needs toh samai te debole paribo nemite aro initial action aro preparation toh respective departments para lobo laki aro ahibole din te any disaster nemite diyar hobo laki koise. Tai para be SDRF (State Disaster Response Force) te training toh notiside osor laga manu khn ke debole koise kelay koile tai khan flood disaster samai te aware hobole nemite.
Etu meeting laga Agenda te, Monsoon Preparedness nemite presentation toh Department of PWD (R&B), Water Resources, Dimapur Municipal Council, SDRF, Health & Family Welfare, Public Health Engineering, aro Food & Civil Supplies para deya thakise.
Add Comment