June 19, 2024:Israeli Prime Minister Benjamin Netanyahu para taikan laka country “taikan laka life karne kila time deh”, President Joe Biden tho weapons kan keh rukai di ase kui shae. Etu accusation tho White House para deny kuri shae.
Tuesday din deh release hua English language video deh, Netanyahu para tai, US Secretary of State Anthony Blinken keh Washington laka support tho tai kushi pai kui shae hoile b weapons aro ammunition kan keh rukai dia tho biswas nakureh kui shae.
Etu video tho White House keh gusa kuri di shae aro Biden administration keh ekta high level meeting cancel kuri bole di shae, kuto Israel lokot taki bo taka ase, Axios para tuita US Official keh cite kuri nah report kuri shae. US envoy Amos Hochstein paraNetanyahu lokot deh lua ekta meeting deh, administration laka gusa tho deliver kuri shae.
US officials para meeting laka ekta question deh jawab di nai. Agae deh White House para weapons kan keh rukai di ase kui nah accusation tho deny kuri shae. “Tai ki laka kotha kuri ase, mukan husa laka b najaneh,” Press Secretary Karine Jean-pierre para reporters keh kui shae.
