June 19, 2024: North Korean leader Kim Jong Un para Ukraine deh taka war deh Russia keh pura support di bole kasam kuri shae. Taikan laka economic aro military cooperation expand kuri bo karne, tai Wednesday din deh Russian President Vladimir Putin lokot deh mili shae Pyongyang deh. Taijun mila tho, Washington laka against ekta united front dika bole karne b ase.
Putin para Kim keh, taila support karne thanks di shae aro taikan laka partnership tho aro uthai di bo karne, tuita countries kan ekta agreement sign kuri bo kui shae. Tuita country b, U.S laka imperialist hegemonistic policies aro satellites laka against fight kuri ase, kuto Russian Federation laka against deh ase.
North Korea kan, taikan laka nuclear weapons aro missile programs kan karne, U.S Security Council economic sanctions laka pitor deh ase. Alak side deh, Russia kan b United States aro taikan laka Western partners laka sanctions pitor deh ase, Ukraine laka against aggression taka karne.
Putin laka foreign policy adviser, Yuri Ushakov para top officials kan bishi Putin keh company deh ase kui she. Tateh Deputy Prime Minister Denis Mantrurov, Defense Minister Andrei Belousov aro Foreign Minister Sergey Lavrov ase kui shae.
