October 25, 2023: Ekta mun jui dia annual event deh, migratory Amur Falcon tho Nagaland deh aha shuru hui shae. Amur Falcon keh local dialect deh Molulem mateh. Etu majestic chiri ra kan lamba journey deh jai. Ekta sal deh taikan 22,000 kilometers ureh. Etu chiri rat tho eastern Asia para South Africa tak jai aro early autumn deh wapas jai.
Nagaland tho etu remarkable janwar karne zaruri stopover ase. Yetae taikan jama kuri nah 3-4 hapta karne rest kureh takat tho wapas pavo leh. Taikan laka presence tho bishi zaruri ase mukan laka eco system deh, kile koile etu chiri ra kan para pest populations regulate kureh aro vital pollination activities deh b participate kureh.
State government aro public kan milai nah etu chiri ra karne safe rasta banai sahe bishi sal karne. Etu kura karne, Nagaland keh “Amur Falcon capital of the world” laka title di shae.” ETu he nahoi nah Wildlife (Protection) Act of 1972 laka pitor deh Amur Falcon keh legal protection b di nah ase.
Etu Act laka isap deh, Amur Falcon tho protected species ase aro law laka schedule IV deh list b kuri nah ase. Etu chiri ra kan keh hunt kura tho aro taikan laka mangso kah tho ekta serious criminal offense ase kui nah jani bo lakeh. Etu offense kuri leh tho teen sal karne imprisonment pavo pareh.
Etu karne Forest Department para sob concerned aro responsible citizens keh etu chiri ra kan keh hunt nakrui b kui nah appeal kuri ase. Etu chiri ra kan keh protect aro bajai b taikan safe para migrate kuri di bole.
Add Comment