Banda: Monday din te Uttar Pradesh Police team Punjab te jaishe koishe. Etu police team para Mukhtar Ansari te loikena aniboli nemite ase. Tai toh gangster thaka politician hoishe aro tai laga oper te cases besi trail jai ase koikena khobor toh officials para janaishe. Punjab’s home department para letter te Uttar Pradesh government logot Rupnagar jail para Ansari ke olaikena rakiboli koishe aro etu April darik dak te koriboli hotishe. Uttar Pradesh additional chief secretary (home) logot leka hesab te March 26 darik Supreme Court order para Punjab government ke BSP’s Mau MLA ke UP’s Banda jai para tui(2) hafta pithor te Rupnagar prison olaboli janaishe, etu jail te tai toh extortion case nemite January 2019 para bohi ase koishe. “team ekta 80 Uttar Pradesh Police personnel neshina hatiyar thurikena aro Provincial Armed Constabulary laga company ekta Monday pujur te Punjab para Ansari ke loikena ahiboli nemite jaishe. March 26 darik laga order te Ansari toh murder, cheating aro conspiracy cases aro etu oper te Gangsters Act besi te samil korikena ase aro etu cases toh Uttar Pradesh te ase. Banda District Jail laga acting Superintendent, Pramod Tiwari para koishe ke, Ansari nemite Barrack Number-15 te rakiboli kam sob tayaar hoikena ase aro etu jaga te dosura prisoner khan ek jun be nai koishe. “barrack pithor te tin(3) jun prison guards thakibo,” tai aro koishe. Letter te Punjab Home Department para Uttar Pradesh additional chief secretary (Home) logot koishe ke, Ansari ke aniboli nemite arrangements koriboli janaishe. “tai ke district jail Rupnagar te April 8 darik akhe te anibo,” koikena letter te lekishe. Allahabad Zone laga Additional Director General of Police, Prem Prakash para Sunday din te koishe ke, Punjab te jowa samai convoy te ambulance be samil korikena jabo.
