Dimapur, 26 August: Union Minister for Tribal Affairs, Arjun Munda para Nagaland deh notun bona Department for Tribal Affairs ke para tak motob debole janiase.
Union minister para etu toh State delegation Minister for Higher & Technical Education aro Tribal Affairs, Temjen Imna Along logode janaise. Monday din union minister ke toh office chamber deh matiya thakise. Tai logode Additional Chief Secretary, Tribal Affairs, Lhoubeilatuo Kire aro DUDA laga department officials khan shaat thakise.
TRIFED laga issue opor deh union minister para department laga kaam opor deh ektum kushi powah janaise aro DUDA department laga plan toh ministry para lobole janaise.
Afternoon deh, Temjenimna Along para AICTE laga chairman Dr Anil D Sahasrabudhe ke matishe. Chairman logode Kethosituo Sekhose, DRC aro Technical Education laga department officials khan shaat thakise. Etu time deh Khelhoshe Polytechnic laga up-gradation, Atoizu and Government Polytechnic, Kohima aro schemes AICRW logode thaga opor deh kotha korise.
AICTE chairman para khobor janaideya toh, two polytechnics laga up-gradation nemide toh etu sal last moina phal manibo. Aro State Government ke infrastructure laga up-gradation aro post olabole opor deh joldi kuribole janaise.
Tai para be State Government ke schemes toh ground water harvesting, Internet WAN/LAN/Fiber Optics installations aro AICTE para solar power plants toh state laga technical institutes nemide lobole janaise.
Add Comment