Dimapur, 26 August: Dwarka, New Delhi deh Nagaland Guest house bonai thaga jaga deh Minister PWD (housing & mechanical) Tongpang Ozukum toh PWD (housing & mechanical) Department officers logode August 24 direk inspect korise.
Inspection time deh team khan M/s Ansari & co. para Dwarka phase-1 type I, II, IV aro V thaga ke kotha korise aro tai khan type I & II buildings toh September 2019 para kothom kuribole manise.
Dwarka phase-ll, type – III laga construction deh sai thaga M/s Gupta Bros (India) para 8 items (electrical sub- station, main LT panel, external fire fighting , external electrical cabling, external lighting, sewage disposal, storm water drain aro campus development) toh 105 din majode kothom kuribole manishe.8th May 2019 deh Delhi Jal Board para Department ke letter deya thakise. Letter deh infrastructure charges paani aro sewage nemide Rs 1,69,03,668 toh September 8, 2019 nahowah agae deh debole koikena thakise. PWD (housing & mechanical) para fund lagiya opor deh etiya tak payment toh nakori kena ase aro fee thek samai deh clear kuribole fail hoile Type I & II building of Nagaland Guest house Dwarka, New Delhi nemide dekthari ola thakibo.
Ongoing project kothom kuribole nemide ektum kaam laga ase. Etu para Naga manu khan medical care aro admissions nemide motob powah ekala nahoi kena state nemide revenue olabole motob pabo. Department toh etu sal laga financial deh staff quarters nemide type I, II &IIA aro rental building nemide lobole plan kori ase.
Add Comment