December 06, 2023 : Hornbill Festival laga 6th din tey, Cultural Extravaganza showcase kurishey, itu ‘Cultural Connect’ laga theme under tey, itu Department of Art & Culture para organise kuri kena, kuntu toh hoiley, Naga Heritage Bosti tey para loishey, Kisama tey, 6th December, 2023 tey.
Japan laga Ambassador – HE Hiroshi Suzuki para itu programme ke grace kurishey, tai Chief Guest buhi kena. Tai para koishey Japan aru Nagaland logotey lamba historical facts khan asey, kuntu para toh itu second world war hoishey. Tai para tai laga gratitude bhi express kurishey, itu Naga manu khan , itu Japanese manu khan opor tey
generosity dikha nimitey, war pichetey ahiboley diya nimitey, hatiyar khan uthaboley diya nimitey. Tai para aru bhi cooperation banaboley hope kurishey aru relationship banboley Japan aru Nagaland majetey. Itu event tey Minister for Women Resource Development & Horticulture, Salhoutuonuo Kruse host thakishey koishey, aru itu Information Technology & Communication, Economics & Statistics and Evaluation laga advisor – Sethrongkyu aru MLA – Lima Onen Chang, co-host thakishey koishey. Tatey aha Chief Guest toh alag alag stall khan tey bhi visit kurishey, itu Department of Industries & Commerce laga, Bamboo Pavilion tey.
Tatey alag alag tribe khan – Ao, Chakhesang, Konyak, Kuki, Rengma, Sumi, Phom, Garo aru Yimkhiung laga cultural troupe khan para tai khan laga cultural ethnicity perform kurishey, itu session tey.
Add Comment