Nagaland, 15 May 2025: Nagaland governor La Ganesan para Sikkim ke tai laga letter address kuri kena koise, “Nagaland laga manu khan laga side para, moi Sikkim Statehood Day laga opor te Sikkim laga manu khan ke greetings aru heart-felt congratulations janai ase.
Etu din to Sikkim laga ekta proud journey ke signify kure, ekta progressive aru peaceful state hisap te, juntu laga vibrant culture, natural beauty aru unity in diversity para enriched kura ase.
Ami khushi para aupni khan laga achievements celebrate kure aru aupni khan laga spirit ke commend kure. Dua ase jate Sikkim age jabo, harmony aru prosperity logot.
Ami age jabo time te, ami khan duita beautiful Northeastern state; Nagaland aru Sikkim majot friendship aru cooperation aur bhal kuribo laga asha rakhi ase.”
Raksha Mantri, Srinagar te jawan khan ke address kurise
Srinagar, 15 May 2025: May 15, 2025 te Raksha Mantri Shri Rajnath Singh, Badami Bagh Cantt, Srinagar te Indian Army laga jawan khan ke address kuri kena, India laga terrorism opor strong stand clear kuri dise. Tai koise ke Prime Minister Narendra Modi para India laga terrorism policy ke redefine kurise, aru etya kunba attack India laga mati opor hoile, etu war declare kura hobo. India shanti ke priority diase, kintu jodi sovereignty ke attack kura jai, India bhi thik response dibo lage, tai koise.
Tai Pakistan ke warning dise, jodi terrorism ke support kori thake, tai bishi dangor price dibo lagibo. ‘Operation Sindoor’ ke tai India laga history te sobse dangir anti-terror operation koi kena mention kurise, aru country laga himmat aru determination ke dekhaise koise. Soldiers laga dream ase ki sob terrorist laga hideout te reach kuri kena destroy koribole, aru Operation Sindoor te etu fulfill hoise.
Add Comment