MAHARASHTRA, NOVEMBER 27 : Tuesday din Nagaland Governor Shri PB Acharya pora Northeast nemite Prime Minister Narendra Modi laga Development Programmes kan pora ami kan desh laga manu kan ke ekta bhal laga rasta te anede ase koi kena janaise. Etubi Northeast region nemite ki-ki ahkete anedebole karne.
Nagaland Governor porabi Nagaland state te 20 lakh manu ase. Etu kan majutte 98 percent toh sob Christians kana se. Aro Nagaland state te 16 ta asul Chat kan (Tribes) aro chotu Chat kan ase. Aro ami kan state te ki bhal kuride kena ahkete anedebole baranai etu kan toh Northeast jaka laga manu kan pora nahui. Huilebi etu toh ami kan state neju laga manu porahi ahkete anedebole nabara karne ase koi kena janaise. Etu karne tai manu-manu majutte Programmes kan manabole kurikena thaka toh ekta nemite anedebole karne bhal laga chis ase. Etu pora eneka bhal Programmes kan manai kena ami kan state toh ahkete anedebole kuribo lagi koi kena janaise.
Tai bi neju laga asul kotha toh ami kan jani kena rakhibole lagi aro ahkete anedebole kuribo lagi koi kena janaise. Etu kotha laga bhal kotha janai kena tai bi Maharashtra state te toh asul kotha toh Marathi ase. Huilebi kun bi etu Marathi kotha toh shekibole nakuri. Etu ke sob melai kena 80% nesena Marathi kotha laga Schools kan toh baan kuride kena ase koi kena janaise. Etu karne eneka nakurikena neju laga asul kotha toh bhal te pachaide kena ahkete anedebole kuribo lagi aro jani kena rakhibole lagi koi kena janaise.
Tai bi etu kan kotha janaidiya oporte Arunachal Pradesh aro Nagaland state 2 jun toh ahebole laga din te sobse dhuni wala aro ekta ahkete aha laga (developed states) states hobole ase koi kena janaise.
Add Comment