Naomi Osaka final de kushise

Agencies, 22 September: Saturday de, US Open champion Naomi Osaka toh Pan Pacific Open laga final de kushibole parise. Tai Italy’s Camila Giorgi logode 6-2 6-3 pora jeta thakise. Naomi Osaka toh 10-par jeti kena final de kushibole parise. Tai tui-hapta agae New York de Grand Slam singles champion jeti kena first Japan’s khelari howah thakise. Tai world number 37 Giorgi logode eight aces mari kena haraideya thakise. Serena Williams logode haraideya bechide Osaka toh ektum gara hoise. Giorgi pora eight par galdi kora karni Osaka toh 72 minutes majode khel kothom korideya thakise. Jai-ja tui-sal time de, etu even laga de Osaka toh runner up thakise. Tai etu hapta ekpar be set de na-hari kena ase aro tai laga service toh khali ek-par he beya howah thakise. Tai final toh world number eight Pliskova  logode khelibole ase. Pliskova toh Croatia’s Donna Vekic logode 6-2 4-6 6-3 pora jeti kena ase aro tai jun laga khel toh tui-khonda pora opor de kothom howah thakise.