Raipur: Monday din Chhattisgarh government para jowa hafta Bastar jaga te state Naxals logot larai kora samai police personnel mora khan laga ghor manuh ke komti hoilebi financial assistance toh Rs 80 lakh thiboli junaishe. Financial assistance oper te morija personnel laga ghor manuh ek jun ke government jobs thibo, koikena officials para koishe. 22 security personnel pithor te 14 jun Jonaguda aro Tekalguda bosti pithor Sukma aro Bijapur districts te Naxals logot bantok para larai kora samai morishe, aro tai khan toh sob state laga police manuh khan thakishe. Tai khan 14 manuh pithor te 8 jun sepia toh District Reserve Guard (DRG) thakishe aro 6 jun toh Special Task Force (STF) aro tui(2) jun toh Chhattisgarh police laga frontline anti-Naxal wings thakishe koishe. Chief Minister Bhupesh Baghel koishe, ami officials khan ke jolti para kam toh kotom hoikena ghor manuh ke financial motob toh thikena aro mora laga ghor manuh ke appointment thiboli janaishe, etu khobor toh public relation department laga official para koishe. Komti hoilebi, 80 lakh financial motob toh mora manuh laga family logot alag-alag packages aro special ex-gratia aro Shaheed Samman Nidhi pithor te thibli ase koishe. State government para Central Reserve Police Force (CRPF) personnel mora laga ghor manuh logot komti hoilebi Rs 45.40 lakh thibo koikena officials para janaishe. Dosura motob aro compassionate appointment toh CRPF personnel laga ghor manuh ke thibo aro etu beche dosura kam toh authority para saboli ase koishe. CRPF sob melaikena 8 jun morishe, etu pithor te unit CoBRA para 7 jun commandos aro Bastariya battalion para jawan 1 jun larai te morishe koishe.
Naxal hamala te Chhattisgarh govt para aid junaishe
